БАСТАУЫШ СЫНЫП ОҚУШЫЛАРЫНЫҢ КРЕАТИВТІ ОЙЛАУЫН ДАМЫТУДА МОБИЛЬДІ ҚОСЫМШАЛАРДЫ ҚОЛДАНУ

БАСТАУЫШ СЫНЫП ОҚУШЫЛАРЫНЫҢ КРЕАТИВТІ ОЙЛАУЫН ДАМЫТУДА МОБИЛЬДІ ҚОСЫМШАЛАРДЫ ҚОЛДАНУ

Қали Айдана

студент, Абай атындағы Қазақ Ұлттық Педагогикалық Университеті,

Қазақстан, Алматы

APPLICATION OF 4D TECHNOLOGY WITH AUGMENTED REALITY IN ELEMENTARY SCHOOL

Kali Aidana

Student, Abay Kazakh National Pedagogical University,

Қазақстан, Алматы

ИСПОЛЬЗОВАНИЕ МОБИЛЬНЫХ ПРИЛОЖЕНИЙ В РАЗВИТИИ КРЕАТИВНОГО МЫШЛЕНИЯ МЛАДШИХ ШКОЛЬНИКОВ

АҢДАТПА

Бастауыш сынып оқушыларының креативті ойлауын дамытуда мобильді қосымшаларды қолдану қазіргі уақытта өзекті мәселелерідің бірі. Соңғы жылдардағы қашықтықтан оқыту процесі барысындағы онлайн  мобильді қосымшаларды пайдалану білім беру саласын түрлендіруге көмектесуде. Бастауыш сынып оқушысының психофизиологиялық ерекшелігі ойын іс-әрекетіндегі жас болғандықтан білім беруді тек мектеп құралдарымен шектемеген дұрыс.

ABSTRACT

The use of mobile applications in the development of creative thinking of elementary school students is one of the current issues. In recent years, the use of online mobile applications in the distance learning process is helping to transform the education industry. It is better not to limit education only to school tools, since the psycho-physiological feature of the elementary school student is the age of play activities.

Кілт сөздер: мобильді қосымша; креативті ойлау.

Keywords: mobile application; creative thinking.

Қазақстан Республикасының бастауыш сынып мектептерінің өзекті мәселелердің бірі - өзгермелі әлеуметтік және экономикалық жағдайда өмір сүруге дайын ғана емес, айналасындағы шынайы өмірге белсенді қатынасын байқатып, оны жақсартуға ықпал ете алатын, бәсекеге қабілетті болшақ маманды қалыптастыру болып табылады. Бастауыш мектептердің негізгі міндеттері – баланың шығармашылық қабілеттерін ашу, әртүрлі өмірлік жағдайларға шебер жауап беретін жоғары технологиялық, өзгермелі әлемде өмір сүруге дайын шығармашылық тұлғаны тәрбиелеу. Бастауыш мектепте құрылған орта креативті тұлғаның қалыптасуына ықпал етуі тиіс. Тұлғаға деген бағыт, оның әртүрлі білім беру мүдделерін қанағаттандыруға ұмтылу, білім беру қажеттіліктері - қазіргі заманғы білім беру жүйесіне тән ерекшелік. Бұл жағдайда, қазіргі заманғы білім алушының  білімге деген талпынысын іске асыру мақсатында, жеңіске жетелейтін бірден-бір факторы - креативті ойлау қабілетін дамыту.

Креативтілік өмірде болып жатқан өзгерістерге дұрыс жауап бере білуден, жаңа мүмкіндіктерді пайдалануға дайын болудан, мәселелерді шешудің айқын және дәстүрлі жолдарын айналып өтуге ұмтылудан, стандартты емес, ерекше идеяларды алға қоюдан көрінеді. Креативтілік адамның ең жоғары қажеттілігін - өзін-өзі жүзеге асыру қажеттілігін қанағаттандыруға мүмкіндік береді. Креативтілік пен креативті ойлаудың ғылыми әдіснамалық негіздерін шетел ғалымдарының ішінде Е.Р. Торренс жалпы адамдағы креативтілік алдында кездескен қиыншылықтарды жеңіл шешуге көмектеседі десе, Ф. Баррон кретивтілік пен интеллект арасындағы байланыстарға тоқталады, ал Д. Векслер вербальды емес креативтілікті зерттеу әдістемелерін қолдануға баса назар аударады. [1, 171б]

Қазіргі уақытта креативтілік іс-әрекет белгілі бір білім, білік, дағды негізінде жүзеге асады. Дегенмен, бастауыш сынып оқушылары алған білімдерін іс жүзінде қолдануды біле бермейді, сондықтан жұмыс тапсырмасын орындау барысында қиындықтарды өз бетімен жеңе алмайды. Педагогикалық әдістердің әртүрлілігін қолдану оқушылардың өз білімдері мен шешімдерін қажет ететін міндеттер арасында байланыс орнатуға көмектесуі керек.

ХХІ ғасыр технологиялар уақыты болғандықтан білім беру саласына мобильдендіру процесін қосу оқушы үшін жаңа мүмкіндіктерді аша түседі. Соңғы жылдардағы онлайн қашықтықтан оқыту барысында оқушылар түрлі мобильді қосымшалар арқылы білім алуды практика жүзінде өткізіп көрді. Қазіргі уақытта мобильді қосымшалардың түрлері сан алуан.
Мобильді қосымша (ағылш. «Mobile app») — бұл белгілі бір платформада орнатылған және белгілі бір функционалдылыққа ие планшеттер мен смартфондарға (iOS, Android, Windows Phone және т.б.) арналған әзірленген бағдарлама. Қарапайым сөзбен айтқанда, ол белгілі бір әрекеттерді орындайды және берілген мәселелерді шешуге арналған құрал.

Қaзіpгі зaмaнғы cмapтфoндap нapығындa eкі үcтeмдік плaтфopмacы бap. Біpeуі - Apple Inc. кoмпaнияcының iOS плaтфopмacы. IOS плaтфopмacы - iPhone cмapтфoндapының тaнымaл жeліcін іcкe қocaтын oпepaциялық жүйe. Eкінші - Google-дeн Android. Ocы oпepaциялық жүйecі Google әзіpлeгeн құpылғылap ғaнa eмec, coнымeн қaтap өздepінің cмapтфoндapы жәнe бacқa дa құpылғылap үшін дe қoлдaнылaды. [4,3б]

Ocы eкі плaтфopмaлapдың apacындaғы aйыpмaшылықтap мeн ұқcacтықтap бap. Eкі плaтфopмaдa oпepaциялық жүйeні қoлдaнaтын жүздeгeн миллиoн құpылғылap бap. Apple iOS-ты тeк қaнa өз құpылғылapы үшін пaйдaлaнғaнca, aл Google кoмпaнияcы бacқa құpылғылapғa бeлгілі біp тaлaптapғa caй бoлғaн жaғдaйдa, Android-ты қoл жeтімді eтeді. [4,3б]

Бастауыш сынып оқушысының креативті ойлауын дамытуға арналған бірнеше мобильдік қосымшалар тізімі:

1.   «IQ Bala» мобильді қосымшасы.

Бұл мобильді қосымша телефон ойыны арқылы қазақ тілін меңгеріп, тіпті, латын таңбаларын тануға да мүмкіндік береді. Қосымша мәзірі латын қарпімен жазылған. Осы арқылы жоба авторлары балалардың көзін қазірден бастап латын таңбаларына үйрете беруді көздеп отыр. Айтуынша, бұл тәсіл болашақта бүлдіршіндердің жаңа әліппені тез үйренуіне көмектеседі. Мобильді қосымша түгелдей кішкентай баланың дауысымен дыбысталған аудио арқылы жұмыс істейді.  Бұл қосымша 1-сынып оқушыларына және тіл үйренуші балаларға жақсы көмекші құрал болып табылады.

2. «LearningApps.» онлайн қосымшасы. [2]

https://learningapps.org/  

Көрсетілген онлайн қосымша арқылы кез келген сабаққа, тақырыпқа қатысты тапсырмалар ойлап құрастыруға болады. Бұл қосымша арқылы тақырыпты ойын арқылы түсіндіруге болады. Бастауыш сынып оқушысының психофизиологиялық іс-әрекет түрі ойын процесі болғандықтан бұл жастағы балалармен интеллектуалды ойындар арқылы білім берген тиімді. Әр бала өз құпия кілті арқылы кіріп дайын ойындарды ойнай алады.

3. «Логика лайк» онлайн қосымшасы. [3]

https://logiclike.com/2.0/cabinet/course/logic

Бұл қосымша 168 деңгей,  6 тапсырмадан құрастырылған. Қосымша арқылы оқушы сабақтан тыс уақытта тапсырмалар орындау арқылы өз білім деңгейін және креативті ойлауын дамыта алады.

Мобильді қосымшаларды пайдалану оқуды көрнекілеу мәселесін тиімді шешеді, оқу материалын визуализациялау мүмкіндіктерін кеңейтеді, оны әр оқушыға түсінікті және қолжетімді етеді, ішінара ізденіс пен зерттеушілік оқыту әдістерін ұйымдастыруға, оқу процесін оңтайландыруға көмектеседі деп қорытынды жасауға болады. Бақылау және бағалау іс-әрекеті, оқу процесін әр тараптандыру, оқушылардың танымдық белсенділігін бірге арттыратын ойын технологияларын енгізу, мобильдік қосымшаларды пайдалану арқылы оқушының креативті ойлауын қалыптастыруға және дамытуға үлкен үлес қосады.

Әдебиеттер тізімі:

1. Маневич Н. А. Развитие социальной креативности у интеллектуально одаренных детей младшего школьного возраста: дис. ... канд. псих. наук: 19.00.07. - Нижний Новгород, 2006. - 171 с.
2. Электронный ресурс: https://learningapps.org/
3. Электронный ресурс: https://logiclike.com/2.0/cabinet/course/logic
4. Электронный ресурс: https://ust.kz/word/mobildi_qosymsa_turleri-298310.html [4,3бет]
5. Электронный ресурс: https://www.akorda.kz/kz/memleket-basshysy-kasym-zhomart-tokaevtyn-kazakstan-halkyna-zholdauy-181416