ӘЙЕЛ ЖЫНЫС АҒЗАЛАРЫНЫҢ ҚАБЫНУ АУРУЛАРЫ ЕМДЕУ ӘДІСТЕРІНІҢ ТИІМДІЛІГІ

ӘЙЕЛ ЖЫНЫС АҒЗАЛАРЫНЫҢ ҚАБЫНУ АУРУЛАРЫ  ЕМДЕУ ӘДІСТЕРІНІҢ ТИІМДІЛІГІ

Кусаинова Фарида Азимовна

м.ғ.к., «Акушерлік іс және гинекология» кафедрасының м.ғ.к., доценті, С.Ж. Асфендияров атындағы Қазақ Ұлттық Медицина Университеті КЕАҚ,

Қазақстан, Алматы қ.

Толганбаева Камшат Акжановна

 «Денсаулық сақтау саясаты және менеджменті» кафедрасының лекторы, С.Ж. Асфендияров атындағы Қазақ Ұлттық Медицина Университеті КЕАҚ,

Қазақстан, Алматы қ.

Толенбекова Ақнұр Рауанқызы

дәрігер-интерн,  7 курс, С.Ж. Асфендияров атындағы Қазақ Ұлттық Медицина Университеті КЕАҚ,

Қазақстан, Алматы қ.

Махамбет Нурикамал Сәрсенқызы

дәрігер-интерн,  7 курс, С.Ж. Асфендияров атындағы Қазақ Ұлттық Медицина Университеті КЕАҚ,

Қазақстан, Алматы қ.

Омарбек Алтынай Әбілқасымқызы

дәрігер-интерн,  7 курс, С.Ж. Асфендияров атындағы Қазақ Ұлттық Медицина Университеті КЕАҚ,

Қазақстан, Алматы қ.

Елшібек Қызжібек Ерғалиқызы

дәрігер-интерн,  7 курс, С.Ж. Асфендияров атындағы Қазақ Ұлттық Медицина Университеті КЕАҚ,

Қазақстан, Алматы қ.

Кеңесбек Айнұр Қайратқызы

дәрігер-интерн,  7 курс, С.Ж. Асфендияров атындағы Қазақ Ұлттық Медицина Университеті КЕАҚ,

Қазақстан, Алматы қ.

Беркінбай Аман Бақытжанұлы

дәрігер-интерн,  7 курс, С.Ж. Асфендияров атындағы Қазақ Ұлттық Медицина Университеті КЕАҚ,

Қазақстан, Алматы қ.

ЭФФЕКТИВНОСТЬ МЕТОДОВ ЛЕЧЕНИЯ ВОСПАЛИТЕЛЬНЫХ ЗАБОЛЕВАНИЙ ЖЕНСКИХ ПОЛОВЫХ ОРГАНОВ

THE EFFECTIVENESS OF METHODS OF TREATMENT OF INFLAMMATORY DISEASES OF THE FEMALE GENITAL ORGANS

АҢДАТПА

Мақсаты: Алматы қаласы медициналық мекемелері бойынша жыныс ағзаларының қабынулық аурулары анықталған әйелдерге ем жүргізу барысындағы препараттардың тиімділігін бағалау.

Материалдар мен әдістер: Алматы қаласы медициналық мекемелерінің, акушерлік және гинекология бөліміне (жыныс ағзаларының қышыну, ашу, көп мөлшердегі түсі өзгерген бөлінділерге) шағымдарымен келген 60 әйелдерден  қынап, жатыр мойны, уретрадан алынған тазалық дәрежесіне жағынды алу нәтижелері бойынша анықталған қабынулық ауруларға ем жүргізу нәтижелерін талдау.

Нәтижелері: Зерттеуге жыныс ағзаларының қабыну ауруына ем қабылдаған әйелдер таңдалды. Тазалық дәрежесіне жағындылар уретрадан, жатыр мойны каналынан, қынаптан алынған. Емнің тиімділігі 4 топ арасында тексерілді. Зерттеу нәтижесінде біз әйелдер арасындағы қабынулық аурушаңдықтың максималды көрсеткішін белгілі болды. Жас санаты бойынша 20-35 жас аралығындағы әйелдерде жиі көрініс береді. Қабынулық ауруларға ем жүргізу препараттарының тиімді әсері белгілі болды.

Қорытынды: Қабынулық аурулар анықталған 60 әйелге ем жүргізгеннен кейінгі тазалық дәрежесін талдау нәтижесі бойынша тиімді әдіс антибиотикалық емдеу әдісі деген қорытындыға келдік. Қабынулық аурушаңдығы жастар арасында жиі кездеседі.

АННОТАЦИЯ

Цель. Оценить эффективность препаратов при проведении лечения по медицинским учреждениям города Алматы у женщин с выявленными воспалительными заболеваниями половых органов.

Материалы и методы. Анализ результатов лечения воспалительных заболеваний, выявленных по результатам взятия мазка на степень чистоты из уретры, цервикального канала и влагалища у 60 женщин, прибывших с жалобами в отдел акушерства и гинекологии (зуд, жжение, обильные выделения) медицинских учреждений города Алматы.

Результаты. В исследовании приняли участие женщины, получавшие лечение по поводу воспалительных заболеваний половых органов. Взятия мазка на степень чистоты из уретры, цервикального канала и влагалища. Эффективность лечения проверяли между 4 группами. В результате исследования мы определили максимальную заболеваемость воспалительными заболеваниями среди женщин. Чаще встречается у женщин в возрасте от 20 до 35 лет по возрастной категории. Мы определили эффективное действие препаратов для проведения лечения.

Вывод. На основании анализу степени чистоты после проведения лечения 60 женщин с выявленными воспалительными заболеваниями пришли к выводу, что эффективным методом является лечение антибиотиками. Воспалительные заболевания распространены среди молодежи.

ABSTRACT

Resume: To evaluate the effectiveness of drugs during treatment in medical institutions of the city of Almaty in women with identified inflammatory diseases of the genital organs.

Material and methods: Analysis of the results of treatment of inflammatory diseases identified by the results of taking a smear for the degree of purity from the urethra, cervical canal and vagina in 60 women who arrived with complaints to the department of obstetrics and gynecology (itching, burning, profuse discharge) of medical institutions in Almaty.

Results: The study involved women who received treatment for inflammatory diseases of the genital organs. Taking a smear for purity from the urethra, cervical canal and vagina. Treatment efficacy was tested between 4 groups. As a result of the study, we determined the maximum incidence of inflammatory diseases among women.

Conclusions: According to the analysis of the degree of purity after treatment, 60 women with identified inflammatory diseases came to the conclusion that antibiotic treatment is an effective and safe method. Inflammatory diseases are common among young people.

Кілт сөздер: әйел жыныс ағзаларының қабынуы, эндометрит, сальпингит, вагинит, вульвит, антибактериалды терапия, доксициклин, метронидазол, цефтриаксон.

Ключевые слова: Воспаление женских половых органов, эндометрит, сальпингит, вагинит, вульвит, антибактериальная терапия, доксициклин, метронидазол, цефтриаксон.

Keywords: Inflammation of the female genital organs, endometritis, salpingitis, vaginitis, vulvitis, antibacterial therapy, doxycycline, metronidazole, ceftriaxone.

Кіріспе. Жыныс ағзаларының қабыну ауруларының (ЖАҚА) медициналық, әлеуметтік және экономикалық маңыздылығы жоғары, сондықтан диагностикалау мен емдеуге өте мұқият қарауды талап етеді [1]. ЖАҚА гинекологиялық аурулардың ішінде жетекші орын алады және әйелдерді ауруханаға жатқызудың ең көп тараған себебі болып табылады. Әйелдерде ЖАҚА репродуктивті жастағы әйелдердің денсаулығына әсер ететін маңызды мәселе [2]. Себебі, ЖАҚА мен сырқаттанған әйелдерде бедеулік, түсік тастау, жатырдан тыс жүктілік, ұрықтың кеш дамуы, жатырішілік инфекция және т.б. созылмалы асқынуларды тудырады. Әлем елдері бойынша гинекологиялық аурулардың 60-65 % әйелдердегі жыныс ағзаларының қабыну аурулары болып табылады. Жыныс ағзаларының қабыну аурулары ең жиі 17-35 жас аралығында кездеседі [3].

Жыныс ағзаларының қабынулық аурулары 1975 жылғы IX қайта қаралған аурулардың, жарақаттардың және өлім себептерінің халықаралық статистикалық классификациясында жеке нозологиялық форма ретінде көрсетілген. FIGO Дүниежүзілік акушер-гинекологтар конгресінде (Куала-Лумпур, Малайзия, 2007 ж.) дамымай қалған жүктіліктің әрбір жағдайын ЖАҚА-мен байланысты деп санау керектігі айтылған. Т.В.Стрижованың (2012) деректері бойынша ЖАҚА ға тән морфологиялық белгілер анамнезінде репродуктивті бұзылыстары бар, оның ішінде қайталама түсік тастаған әйелдер тобында жиі байқалған (70,2% )[4].

Дүниежүзілік денсаулық сақтау ұйымының (ДДҰ) мәліметтері бойынша әлемде жыл сайын 448 млн. әйелдердегі ЖАҚА бойынша жаңа жағдай тіркеледі (бұл көрсеткіш гинекологиялық аурулардың жалпы санының 60% -ы) [5].

Жыныс ағзаларының қабыну аурулары Ұлыбритания үшін де өзекті болып табылады[5]. Жалпы тәжірибелік зерттеулердің деректер базасында General Practice Research Database берілген бағалаулар бойынша [6], Англияда аурудың жиілігі фертильді жастағы 100 000 әйелге шаққанда кем дегенде 189 құрайды, өйткені іс жүзінде бұл көрсеткіш диагностикадағы қиындықтарға және жиі кездесетіндігіне байланысты немесе асимптоматикалық ағымына байланысты бірнеше есе көп [7]. Ұлыбританияда жыныс ағзаларының қабыну аурулары бар науқастар амбулаториялық емге жүгінеді [5].

Жыныс ағзаларының қабыну аурулары Ұлыбританиядағы сияқты, АҚШ үшін өте маңызды, себебі жыл сайын шамамен 2,5 миллион адам дәрігерге қаралады, 200 000 ауруханаға жатқызылып, шамамен 100 000 хирургиялық араласуларға жүгінеді [8]. Жыныс ағзаларының қабыну аурулар тобы бойынша жедел жәрдем шақыруларына байланысты барлық гинекологиялық аурулардың ішінде бірінші орында (шамамен жылына 350 000 адам) және жамбастың қабыну ауруларын емдеуге арналған жалпы шығындар 2 миллиард доллардан асады[9]. Ресейде әйелдердегі ЖАҚА бойынша аурушаңдық көрсеткіші 100 мың халыққа шаққанда тиісінше 50,1 және 61,4 жағдайды құрайтыны статистикалық түрде анықталған [10]. Ресейде 2000-2010 жылдарда ЖАҚА сырқаттанушылық деңгейі 18–24 жастағы науқастарда 1,4 есе, 25–29 жастағы науқастарда 1,8 есе өскенін көрсетеді. Диагностика мен емдеуге кететін шығындар өсіп, халыққа гинекологиялық көмек көрсетуге жұмсалатын шығынның 50-60% - құраған [11].

Қазақстан Республикасында әйелдер жыныс ағзаларының қабыну ауруларының жиілігі 100 000 халыққа шаққанда өте жоғары көрсеткішті көрсетеді, АҚШ-тан 2,7 есе және Ұлыбританияда (2011 жылғы мәліметтер бойынша) – 3,7 есе асып түседі [12]. Үлкен мегаполистерде қабыну ауруларының жиілігі өте жоғары көрсеткіштерді көрсетеді. Мысалы, Алматы қаласында жыныс ағзаларының қабыну ауруларына шалдығу 2010 жылға дейінгі ресми статистика деректері бойынша жалпы республикалық деңгейден бірнеше есе асып түсті (1-сурет). Сонымен қатар, бұл проблема қала тұрғындары үшін де, ауыл тұрғындары үшін де өзекті болып қала береді. Бұл мәселе қала халқымен қоса ауыл халқы үшін де маңызды болып отыр, 2001-2005 жылдардағы сырқаттанушылық деңгейі 1,8-1,3 есеге өсті [5] (2-сурет).

Сурет 1. 100 000 адамға шаққандағы ЖАҚА бойынша сырқаттанушылық көрсеткіші (15 жастан асқан әйелдер үшін есептеу). Қазақстан Республикасында және Алматы қаласында 2001-2013 жж.

Сурет 2. 100 000 адамға шаққандағы қала және ауыл халқының ЖАҚА бойынша сырқаттанушылық көрсеткіші (15 жастан асқан әйелдер үшін есептеу) Қазақстан 2001-2013 жж.

Әйелдердегі ЖАҚА емдеу принциптері, антибиотиктерге сезімталдықтың өзгеруі және медицинаның, зерттеулердің баяу дамуы себебінен соңғы бірнеше онжылдықта айтарлықтай өзгерістер енгізілмеген. Емдеудің ең соңғы ұсыныстары инфекцияның ауырлығын, клиникалық көрінісін және аурудың полимикробтық сипатын қарастырады [13].

Уақытылы диагностика және ерте антибиотикалық терапия әйелдердегі ЖАҚА-ны сәтті емдеудің негізі болып табылады. Ауру (шамамен 60%) симптомсыз (субклиникалық) өтетін болғандықтан, пациенттерді медициналық көмекке жүгінуге итермелемейді және медицина мамандарына ауруды анықтауда қиындықтар туындатады [3]. Әйелдердегі ЖАҚА барлық түрінде емдеу әдістері жағдайдың ауырлық дәрежесін дұрыс бағаламау және дұрыс таңдалмаған емдеу нәтижесінде қайталанатын созылмалы ағымына алып келеді [4].

Әйелдің жыныс ағзаларындағы қабыну процесінің пайда болуы мен сақталуында, әртүрлі микроорганизмдермен байланысты инфекциялық процесс маңызды рөл атқарады [14,15].

• хламидиозды (Chlamydia trachomatis – 30%) және гонококкты флора (Neisseria gonorrhoeae – 40–50%);
• аэробты грамм оң бактериялар Staphylococcus (53-56% жағдайда) және Streptococcus (33%);
• жалғыз немесе басқа микроорганизмдермен байланыста болатын шартты патогенді флоралар (Gardnerella vaginalis, Esherichia coli, Mycoplasma hominis, Ureaplasma urealyticum 10–15%);
• анаэробты бактериялар (18%) Peptostreptococcus және Clostridium (17%);
• 26% аралас аэробты және анаэробты флора [14,15].

ЖАҚА-ның пайда болуына әсер ететін жағдайлар: аборт, диагностикалық кюретаж, эндометриялық биопсия, гистероскопия, гистеросальпингография, ұрықтандыру, экстракорпоралды ұрықтандыру – ЭКО), анамнезді қоса алғанда, жыныстық жолмен берілетін инфекциялардың болуы, жыныстық серіктестердің көптігі, олардың жиі өзгеруі, контрацепцияның тосқауылдық әдістерінің болмауы, жатырішілік контрацептивтер [16-18].

Қазіргі уақытқа дейін әйелдердегі ЖАҚА-ны антибиотикалық емдеуде тиімді әдістерін анықтау мақсатында жасалған біршама тәжірибелер бар. Мысалы: Рандомды екеулік кездейсоқ жүргізілген зерттеу. Бұл зерттеуде цефтриаксон 250 мг дозасында бір реттік енгізіп және доксициклинді метронидазолмен 14 күн бойы қолданып, емдеу нәтижелері салыстырылған.

Барлығы 233 әйел, оның ішінде 116 метронидазолмен емделген және 117 әйел плацебо тобында. Екі топтада үш күннен кейін жағдайының жақсарғаны, алайда плацебомен емделген топқа қарағанда, метронидазолмен емделген науқастарда, эндометрийда анаэробты бактериялардың кездесу жиілігі төмендеген (8% және 21%, P <0,05), және Mycoplasma genitalium саны да азайған (4% және 14%, P <0,05). 05). Және метронидазолмен емдеуден кейін әйелдерде жыныс мүшелерінің қабынулық ауруларының кездесу жиілігі төмендеген. Емдеудің жанама әсерлері екі топта да бірдей көрінген [13,14]. Осындай зерттеу жұмыстарын негізге ала отырып, бізде ғылыми зерттеу жұмыстарын жүргіздік. Диагностикасы қынап, жатыр мойны, уретрадан алынған қайталама тазалық дәрежесінің нәтижелері бойынша анықталған.

Зерттеу мақсаты: Алматы қаласы медициналық мекемелеріндегі жыныс ағзасының қабынулық аурулары анықталған әйелдерді емдеудің тиімділігін бағалау.

Зерттеу материалдары мен әдістері: Зерттеу екі кезеңнен тұрды. Бірінші кезеңде библиографиялық әдіспен дәлелді (PubMed, Еpistemonikos, thecochranelibrary ) медицина базаларынан қабыну аурулары, жыныс ағзаларының қабынуы, антибактериалды терапия кілттік сөздері арқылы мақалалар таңдалды. Таңдалған мақалалардың ішінен әйел жыныс ағзаларының қабыну аурулары бойынша мәліметтерге талдау жасалды.

Екінші кезеңде Алматы қаласы бойынша үш түрлі ауданнан үш түрлі медициналық мекеме кездейсоқ таңдалып алынды, олар Q-med медициналық орталығы, №29 Қалалық емхана және №34 Қалалық емхана. Медициналық мекемелердегі акушерлік және гинекология бөлімшесіне ЖАҚА анықталған 60 әйелдің медициналық деректері бойынша алынған мәліметтердегі ем жүргізу әдістеріне ретроспективті талдау жасалды. Науқастарды 4 топқа бөліп қарастырдық (1-кесте). (Әйелдердегі қабыну процестерін емдеу хаттамасына) сәйкес.

Кесте 1.

Терапиялық ем жүргізу препараттары және олардың мөлшері

2023 жылдың қаңтар айынан бастап ЖАҚА бойынша ем қабылдаған науқастар қарастырылды. Қарастырылған науқастар жасы 20 мен 40 аралығында. Зерттеу салыстырмалы статистикалық анализ ретінде жүргізілді кездесу жиілігі, жас ерекшеліктері, емдеу жолдарын қарастырдық.

Базалық негізде науқастардың шағымдармен келген уақытын, оларды емдеу шаралары  және аурудан айығу уақытын ескердік.

Зерттеу нәтижелері: Зерттеу жұмысында қарастырылған 60 әйелдің жас көрсеткіштері: 20-24 жас 20% (n=12), 25-29 жас 25% (n=15), 30-34 жас 38% (n=23), 35-39 жас 17% (n=10), 40-44 жастағы әйелдер зерттеуге қатыспаған. Мәліметтер 3-суретте көрсетілген.

Сурет 3. Әйелдерде жыныс ағзаларының қабынулық ауруларының жастық кездесу көрсеткіші

Зерттеу жұмысында қарастырылған 60 әйелдің жас көрсеткіштері: 20-24 жас 20% (n=12), 25-29 жас 25% (n=15), 30-34 жас 38% (n=23), 35-39 жас 17% (n=10), 40-44 жастағы әйелдер зерттеуге қатыспаған. Мәліметтер 4-суретте көрсетілген.

Сурет 4. Зерттеуге арналған науқастар тобының % көрсеткіштері

Жыныс ағзаларының қабыну ауруларының кездесу жиілігі бойынша әйелдерде эндометрит 20%, сальпингит 20%, оофарит 22%, вагинит 16%, вульвит 22% болды (сурет 5).

Сурет 5. Әйелдердегі қабынулық ауруларының түрлері бойынша кездесу көрсеткіші

Доксициклинмен ем қабылдаған топ 28,5 % (n=17), цефтриаксон +метронидозолмен ем қабылдаған топ 27,5 % (n=16), цефтриаксон ем қабылдаған топ 23,5 % (n=14), Цефалексин ем қабылдаған топ 21,5 % (n=13).

Сурет 6. Доксициклинді қабылдаған әйелдердің сауығу көрсеткіші

Жыныс ағзаларының қабынулық ауруларын емдеуде доксициклинді көктамыр ішіне әрбір 12 сағат сайын, клиникалық жақсару байқалған соң 14 күн бойы ішке 100 мг қабылдаған әйелдердің 88,5 % - ында (n=15) қынап, жатыр мойны, уретрадан алынған қайталама тазалық дәрежесінің нәтижелері бойынша эпителий - 5, лейкоциттер 0-6 ға дейін көру аймағында, микрофлора - жоқ, шырыш - қалыпты мөлшердегі көрсеткіштерді көрсетті. Ал 11,5 %-ында (n=2) қынап, жатыр мойны, уретрадан алынған қайталама тазалық дәрежесінің нәтижелері бойынша эпителий - 10, лейкоциттер 0-15 ке дейін көру аймағында, микрофлора - жоқ, шырыш - орташа мөлшердегі көрсеткіштерді көрсетті.

Сурет 7. Цефтриаксон+метронидазол қабылдаған әйелдердің сауығу көрсеткіші

Жыныс ағзаларының қабынулық ауруларын емдеуде цефтриаксон 250 мг б/і күніне 1 рет +метронидозол 500 мг күніне 2 рет қабылдаған әйелдердің қабылдаған әйелдердің 82 % - да (n=13) қынап, жатыр мойны, уретрадан алынған қайталама тазалық дәрежесінің нәтижелері бойынша эпителий - 5, лейкоциттер 0-8 ге дейін көру аймағында, микрофлора - жоқ, шырыш - қалыпты мөлшердегі көрсеткіштерді көрсетті. Ал 18 % - да (n=3) қынап, жатыр мойны, уретрадан алынған қайталама тазалық дәрежесінің нәтижелері бойынша эпителий - 10, лейкоциттер 0-18 ге дейін көру аймағында, микрофлора - жоқ, шырыш - орташа мөлшердегі көрсеткіштерді көрсетті (сурет 7) .

Сурет 8.  Тек цефтриаксон қабылдаған әйелдердің сауығу көрсеткіші

Жыныс ағзаларының қабынулық ауруларын емдеуде Цефтриаксон 500 мг б/і күніне 2 рет қабылдаған әйелдердің қабылдаған әйелдердің 72 % - да (n=10) қынап, жатыр мойны, уретрадан алынған қайталама тазалық дәрежесінің нәтижелері бойынша эпителий - 7, лейкоциттер 0-17 ге дейін көру аймағында, микрофлора - жоқ, шырыш - қалыпты мөлшердегі көрсеткіштерді көрсетті. Ал 28 % - да (n=3) қынап, жатыр мойны, уретрадан алынған қайталама тазалық дәрежесінің нәтижелері бойынша эпителий - 12, лейкоциттер 0-20 ға дейін көру аймағында, микрофлора - жоқ, шырыш - орташа мөлшердегі көрсеткіштерді көрсетті (сурет 8).

Сурет 9. Цефалексин қабылдаған әйелдердің сауығу көрсеткіші

Жыныс ағзаларының қабынулық ауруларын емдеуде цефалексин 500 мг күніне 3 рет қабылдаған әйелдердің қабылдаған әйелдердің 77 % - ында (n=10) қынап, жатыр мойны, уретрадан алынған қайталама тазалық дәрежесінің нәтижелері бойынша эпителий - 9, лейкоциттер 0-15 rе дейін көру аймағында, микрофлора - жоқ, шырыш - қалыпты мөлшердегі көрсеткіштерді көрсетті. Ал 23 % ында (n=3) қынап, жатыр мойны, уретрадан алынған қайталама тазалық дәрежесінің нәтижелері бойынша эпителий - 15, лейкоциттер 0-18 ге дейін көру аймағында, микрофлора - жоқ, шырыш - орташа мөлшердегі көрсеткіштерді көрсетті.

Нәтижесі: Зерттеу жұмысы Алматы қаласы бойынша кездейсоқ таңдалып алынған үш түрлі медициналық мекемелер, Q-med медициналық орталығы, №29 Қалалық емханасы және №34 Қалалық емханасының акушерлік және гинекология бөлімшесіне жыныс ағзаларының қабынуы анықталған 60 әйелге жүргізілген ем нәтижесі бойынша мынадай мәліметтер алынды. Жас санатына сәйкес әйелдер арасындағы қабынулық аурушаңдықтың кездесу жиілігі 20-35 жас аралығында.

Ем жүргізу нәтижесі бойынша: доксициклинмен ем қабылдаған науқастардың 88,5 % - да (n=15) сауығу байқалған, 11,5 % (n=2) толық сауықпаған;

цефтриаксон + метронидозолмен ем қабылдаған науқастардың 82,5% -да (n=13) сауығу байқалған, 18 % (n=3) толық сауықпаған.

цефтриаксонмен ем қабылдаған науқастардың 72 % (n=10) сауығу байқалған, 28 % (n=4) толық сауықпаған.

цефалексинмен ем қабылдаған науқастардың 77% (n=10) сауығу байқалған, 23%(n=3) толық сауықпаған.

4 топ бойынша ем жүргізу нәтижелерін талдау көрсеткіштері, доксициклин қабылдаған науқастардың сауығу көрсеткіші салыстырмалы түрде жоғары болғандығын көрсетті. Қынап, жатыр мойны, уретрадан алынған қайталама тазалық дәрежесінің нәтижелері айқын оң көрсеткіш көрсеткендігі, препаратқа төзімділік тудырмайтындығы байқалған. Басқа препараттардың да әсері бар, бірақ доксициклинмен салыстырмалы түрде тиімділігі төмен нәтиже көрсеткендіктен, ЖАҚА ны емдеуде доксициклин препаратын қолдану тиімді деген шешімге келдік.

Қорытынды: Қорытындылай келе әйелдердегі жыныс ағзаларының қабыну аурулары жасқа қарамайды, сол себепті ауру белгілері байқалған уақытта қынап, жатыр мойны, уретрадан тазалық дәрежесіне жағынды тапсырып, ем қабылдау керек. Әйелдердегі ЖАҚА – ны емдеуде басқа препараттармен салыстырмалы түрде тиімділігі жоғары болғандықтан, доксициклин препаратын қолдану тиімді деген қорытындыға келдік.

Пайдаланылған әдебиеттер тізімі:

1. В.Л. Тютюнник, д.м.н., А.А. Вересова, Е.А. Сироткина, к.м.н., Н.Е. Кан, д.м.н. ФГБУ «Национальный медицинский исследовательский центр акушерства, гинекологии и перинатологии им. академика В.И. Кулакова» Минздрава России, Москва, Воспалительные заболевания органов малого таза. медицинский совет • №12, 2018г.
2. Hasiya Yusuf 1 and Maria Trent, «Management of Pelvic Inflammatory Disease in Clinical Practice», doi: 10.2147/TCRM.S350750, February, 2023
3. В.В. Хасанова, И.И. Кукарская, Т.П. Шевлюкова, Е.Ю. Кукарская, «Современный подход к комбинированной терапии пациенток с воспалительными заболеваниями органов малого таза» Пермский медицинский журнал 2021, №2
4. Tyutyunnik V.L., Veresova A.A., Sirotkina E.A., Kan N.E. « Pelvic inflammatory disease: basic principles of therapy», Meditsinskiy sovet = Medical Council. 2018;(12):160-163. https://doi.org/10.21518/2079-701X-2018-12-160-163
5. А.Д. Кызаева, Г.Т. Кашафутдинова “Менеджмент восполительных заболеваний органов малого таза в разных странах опыт для Казахстана” КазНМУ им. С.Д. Асфендиярова, г. Алматы, Казахстан 16 Feb 2018
6. General practice research database
7. Clare E.,Hughes Gwenda,Nicolson Amanda,Yung Mandy,Ross Jonathan,Williams Tim, Soldan Kate. “Estimation of the Rate of Pelvc Inflammatory disease Diagnoses:Trends in England”,2000-2008//Sexually Transmitted Disease.-2011.-Vol.38. - Issue 3.-P.158-162
8. Centers for disease control and prevention
9. Soper D.E. “Pelvic inflammatory disease//Obstet Gunecol”. - 2010.- Vol.116 .- P.419-427.
10. Лапина ИА, Доброхотова ЮЭ, Бондаренко КР, Гаврилов МВ, Ермоленко НС «Комплексный подход клечению гнойных воспалительных заболеваний органов малого таза с применением иммуномодулирующей терапии» Журнал Гинекология, Том 18, № 6 (2016)
11. Зароченцева Н.В., Аршакян А.К., Меньшикова Н.С. “Воспалительные заболевания органов малого таза у женщин” (обзор литературы) Журнал Гинекология, Том 15, № 4 (2018)
12. Jonathan D. C. “Ross Why is the incidence of pelvic inflammatory disease falling? //BMJ”. - 2014.- Р. 207-211.
13. М. Госсе ,СА Нордбё И.Б. Пукстад. “Оценка двухнедельного лечения доксициклином резистентных к макролидам штаммов Mycoplasma genitalium: ретроспективное обсервационное исследование”. Номер статьи: 1225 ( 2021 )
14. Hasiya Yusuf 1 and Maria Trent, «Management of Pelvic Inflammatory Disease in Clinical Practice», doi: 10.2147/TCRM.S350750, February, 2023
15. Rezk S Ghallab, Dina R S Gad El-Karim, Abdel-Hasseb Fayed, Amr M A Rashad Efficiency of conventional and nanoparticle oxytetracycline in treatment of clinical endometritis in postpartum dairy cows 2023 Mar 17;55(2):118. doi: 10.1007/s11250-023-03536-0.Amy Curry, Tracy Williams, Melissa L Penny “Pelvic Inflammatory Disease: Diagnosis, Management, and Prevention” 2019 Sep 15;100(6):357-364.
16. Harold C Wiesenfeld , Leslie A Meyn , Toni Darville , Ingrid S Macio , Sharon L Hillier, «A Randomized Controlled Trial of Ceftriaxone and Doxycycline, With or Without Metronidazole, for the Treatment of Acute Pelvic Inflammatory Disease», DOI: 10.1093/cid/ciaa101, April, 2021
17. Ricardo F Savaris, Daniele G Fuhrich, Jackson Maissiat, Rui V Duarte, Jonathan Ross “Antibiotic therapy for pelvic inflammatory disease” Version published: 20 August 2020